بنك المعرفة المصري
القوة في المعرفة :
اكيد احنا كصيادلة في صيدلياتنا او مستشفياتنا محتاجين نعرف المعلومات الطبية من مصدر موثوق منه يعني طب مبني علي الدليل (evidence based medicine) باختصار وداااااااعا ااااااااااgoogle:
كنز المعرفة اللي بيعتبر احد المصادر اللي بنعتمد عليها في العمل كصيادلة اكلينيكيين . مش بس كده ده كل صيدلي في صيدليته سواء حكومي اوخاص يقدر يستفيد منه من غير ولا مليم.
ايوة ببلاااااااااااش لان الدولة وفرتلنا ده . الكنز ده اسمه clinical key واللي بتدعمه دار نشر elsevier اللي بتمتلك اكترمن ربع معلومات العالم كله
والميزة فيه انك بتحصل علي fast answers
طب ندخله ازاي ؟؟؟؟؟؟؟؟؟
1- هتسجل علي بنك المعرفة المصري (Egyptian knowledge bank (ekb وده مشروع اطلقه السيد الرئيس منذ يناير 2016 يتيح ليك الدخول علي كم هائل من المعلومات في كل المجالات سواء طب - زراعة -صناعة - تجارة- سياسة - ادب - دين - كتب - جرائد -توصيات عالمية - فيديوهات تعليمية atomic learning- قنوات تعليمية -موسوعة britanica -national geographic -جامعات زي كامبريدج - ايبيسكو - دار المنظومة - ديسكفري -.............
المشروع ده مستمر والدولة هتشوف كم الناس اللي استفادت بيه لانه بيتكلف مليارات
طب استني بس انا هدفع كام طالما بتقولي مليارات؟
ده من غير ولا مليم الدولة دافعة عنك
طب في شروط؟
طبعا انك تكون مصري ليك رقم قومي وعايش عالاراضي المصرية
اكيد دي بس الشروط
اه والله
طب اسجل ازاي بقي؟
يتم الاشتراك في الموقع عن طريق الدخول على الموقع من خلال الرابط الخاص به و هو:
http://www.ekb.eg/
- ثم اختيار كلمة "التسجيل الآن"..register
.http://www.ekb.eg/web/guest/register او تدخل مباشرة علي
- و اختيار بوابة القاريء العام ، حيث ينقسم البنك إلى 4 بوابات و هي:
بوابة القراءgenera reader و بوابة الباحثينresearcher، و بوابة الطلاب students ، و بوابة الأطفال children
.(ايه ده يعني عن طريقه ممكن اعلم ولادي؟ اه
يعني ممكن اديهم كورسات اونلاين ببلاش ؟ اه
يعني ممكن افرجهم علي كرتون او برامج هادفة من غير ما ابقي قلقان ؟ اه
يعني مش انا بس اللي هستفيد واي مرحلة عمرية هتستفيد ؟ اه
طب كملي ايه البيانات المطلوبة للتسجيل؟
* و تتمثل البيانات المطلوبة للتسجيل في:
1- اسم الفرد.
2-البريد الإلكتروني.
3- رقم الموبايل.
4- تاريخ الميلاد.
5- الرقم القومي.
6- إضافة إلى معلومات عن الوظيفة (و تختلف حسب كل بوابة من البوابات الأربع).
بعد كده هيجيلك رسالة عالميل فيها اسم المستخدم والباسورد
هترجع تدخل علي موقع البنك وتختار تسجيل الدخول او sign in وتكتب اسم المستخدم اللي هو الميل اللي مسجل بيه والباسورد وهيطلب منك ساعتها تغيرها
كده مرحبا بك في عالم المعرفة
2- بعد كده من داخل بنك المعرفة هتختار resources وتختار من داخلها clinical key
هتختار register وتسجل بياناتك وهيجيلك برضو باسورد عالميل
وبعد كده تدخل عليه بlog in
باسم المستخدم اللي هو الميل وبالباسورد
3- دلوقتي بقي ممكن تشتغل اونلاين او تنزل عالموبايل clinical key mobile app اللي هتدخل عليه اسم المستخدم ورقم المرور اللي سجلت بيهم
طب هشتغل ازاي؟
-عندك علامة search اللي هي العدسة اكتب اللي انت عايزه disease * drug * condition اي حاجة انت عايزها
- طب عايز احدد البحث بتاعي ؟
عندك جنب علامة البحث كلمة all وتحتها قائمة منسدلة تختار منها book - journal - guidelines-clinical trials - drug monograph - patient education - first consult - multimedia- medline(pubmed)
حلو اوي طب ايه اكتر حاجة يفيدوني في الصيدلية؟
1- drug monogragh هتكتب اسم المادة الفعالة لاي دواء وهتلاقي كل ما يخصه من الالف للياء استخدامه- الجرعات كبار واطفال- الجرعات في حالات اختلال الكلي والكبد - التفاعلات الدوائية - طريقة الحفظ- طريقة الاستخدام - ...................
2- first consult هتعلمك ازاي تعمل management لا يdisease
وايه هو drug of choice
3-patient education يعني ايه المعلومات اللي ممكن اعلمها للمريض
وكفاية كده طولت عليكو
ويارب اقدر اكون فدتكم
تعليقات
إرسال تعليق