الكورونا ابتلاء مش وصمة عار
في بداية أزمة الكورونا حصل مواقف غريبة من الناس:
اللي ميطمنش علي أهله في المستشفي واللي يرفض يستلم جثة أبوه وأمه وأمه يقاطع عيلته واللي يتنمر علي جيرانه واللي يطرد الدكاترة اللي كانوا بيعالجوه من بيتهم
انا من زمان مكتبتش لحد ما نسيت الكتابة
لكن الموقف اللي اتعمل مع الطبيبة شهيدة الكورونا في أول الازمة وجعني اوي
ازاي محسيتوش أنها ضحت بروحها واهلها عشان مريض يعيش ازاي عملتوا كده . صدقوني انتوا .......
خايفة يا اما
لا يابنتي متخافيش
ده الموت ميعاد
لا ثانية منه نأخر ولا نزيد
لا يا امي مش ده قصدي
مش ده خوفي مش ده هلعي
انا زي ما ربيتيني بقضاء ربي مؤمنة
متخافيش ياحبيبتي انا زي ما انا
عارفة أن كل شئ مكتوب
من ميلاد لميعاد وفات
لحد ما تطلع شهادة الوفاة
ربي حافظني وحافظ اللي زيي
كنتي فاكرة اني خايفة من الكورونا
ده حتي ولدي بيقول عليها مكرونة
لا يا امي متقلقيش
بحكم ربي راضية وبرحمته بعيش
انا خوفي من اللي مني
من اهلي وشعبي
اللي كنت برسم الفرحة في عينيهم
وقلبي يضحك لما تفرح اهاليهم
لما تسمع مني ومن زمايلي كلمة واحدة
حمد الله عالسلامة
دول استخسروا يقولها مع السلامة
مع كل حب ياللي بروحك فديتينا
تعظيم سلام لأسرة باكية من اهالينا
دول قالوا لا
قالوا لا لجثتي
لن تكرمي
حتي التراب مش هتطوليه
ياه عالوداع
ياه عالوجع
مش ليا حق يا امي اخاف لتوجع
زمن الكورونا بقلمي رشا فرج
تعليقات
إرسال تعليق