الكورونا والدواء
رسالة الي شعب مصر . الشعب اللي العالم بيتحاكي بفراعنته . خليكوا فراعنة ٢٠٢٠. خلونا نخرج من الأزمة بأقل خساير
اوعي تشتري أدوية بتسمع أنها بتعالج الكورونا عالفيسيوك بحجة تبقي عندك وقاية
الأدوية دي اتجربت علي حالات متأكدين من إصابتها وليها فاعلية علي كتير من الحالات المصابة مش المشتبه باصابتها مش المشتبه باصابتها والله مش المشتبه باصابتها
مينفعش مينفعش مينفعش تجيبها تبقي عندك لو ظهر عليك اعراض تاخدها
الأدوية دي ليها استخدام معين وجرعات معينة وآثار جانبية كتير لو استخدمت في غير موضعها
سيبوا الطاقم الطبي يقوم بدوره وسيبوا الدواء للي الفريق الطبي هيقول أنه محتاجه
والزموا بيوتكم الزموا بيوتكم الزموا بيوتكم
الرجاء ياجماعة محدش يتكلم في موضوع كورونا غير لما يكون فاهم وقارئ وتخصصه مجال طبي
الكلمة عندنا في اي بحث بتفرق دي مش قراءة جرائد ولا اسال جوجل وبقول بحث لان مرض كوفيد ١٩ جدييييد
خد معلوماتك من موقع وزارة الصحة المصرية من منظمة الصحة العالمية من مركز مكافحة الأمراض المعدية
ياريت ياريت ياريت منعملش حرب نفسية وكل سؤالنا كام عدد الحالات ومكانها فين
اتاكد أن كل أجهزة الدولة في تكاتف . وجود حالة بيتسحب عينات لكل المخالطين والمكان بيطهر
عزل المصابين مش معناه كتابة شهادة وفاة ده حماية ليهم لأنهم هيتلقوا رعاية صح وحماية ليك عشان مينتشرش المرض . والحمد لله وركز معايا في الجملة دي نسبة الشفاء والتعافي عالية جدااا جدااا ونسبة الوفيات قليلة وهتفضل قليلة بفضل الله لو اتصرفنا صح ولزمنا بيوتنا وسيبنا الفريق الطبي يحارب عدو مش شايفه
كلمتك دي أمانة متشيرش غير لو متاكد
#شعب_واعي_يعني_انتهاء_الازمة
#الزموا_بيوتكم_وساعدوا_جنود_الفريق_الطبي
#متشيرش_اي_هبد_كلمتك_امانة
#متشيرش_اي_حاجة_تدي_طاقة_سلبية
#العزل_شهادة_حياة_للمصاب_وللمخالط
تعليقات
إرسال تعليق